Merking á fatnaði

Silkiprentun og bródering

66°NORÐUR hefur rekið eigin silkiprentsdeild frá árinu 1986 og hefur hún notið æ meiri vinsælda með árunum enda mjög fagleg og vönduð vinna sem þar fer fram. Í deildinni eru fjórar prenthringekjur í stöðugri notkun og ein ný sjálfvirk sex lita bolaprentvél ásamt svokölluðum plotter. Boðið er upp á alhliða prentun á fatnað ásamt vandaðri myndvinnslu fyrir allar tegundir silkiprentunar. Sífellt fleiri fyrirtæki notfæra sér sér þessa þjónustu merkingardeildar 66°NORÐUR enda er hverju fyrirtæki nauðsynlegt að vera sýnilegt.

Bróderingar eru mjög vinsælar og henta í sumum tilfellum betur en silkiprentun til merkingar á fatnaði. Þetta á til dæmis við um ýmsan útivistarfatnað, flís og fleiri efni. 66°NORÐUR hefur síðustu ár verið stærsta fyrirtækið í bróderingum hér á landi, með yfir 20 ísaumshausa í gangi hér og erlendis. Saumaforritin sem 66°NORÐUR notar eru mjög vönduð. Fagmenn vinna með saumaforritin og tekur vinnsla þeirra skamman tíma. Í byrjun árs 2008 festi Sjóklæðagerðin hf. kaup á Grafíksaumi ehf. og sameinuðust fyrirtækin undir merkjum Sjóklæðagerðarinnar hf. Við þessa sameiningu styrktist merkingardeild 66°NORÐUR enn frekar og býður nú upp á enn betri og fjölbreyttari þjónustu en áður.

---