Toppaðu með 66°Norður og Íslenskum Fjallaleiðsögumönnum

66°NORÐUR og Íslenskir Fjallaleiðsögumenn sameina krafta sína á ný og bjóða upp á hina vinsælu æfingaráætlun „Toppaðu með 66°NORÐUR og Íslenskum Fjallaleiðsögumönnum“.

Þetta verður fimmta árið sem verkefnið er í gangi og gefur fólki tækifæri til að ganga á Hvannadalshnúk, hæsta tind Íslands (2110 m), á suðurhluta Vatnajökuls, stærsta jökuls í Evrópu. Verkefnið býður göngufólki upp á frábæra lífsreynslu í góðum félagsskap. Fyrirtækin tvö leggja hart að sér að nota viðburðinn sem fræðslufarveg í þeim tilgangi að göngufólk geti fræðst um hlýnun jarðar og áhrif hennar á jökla Íslands.

Áætlunin er í tveimur þáttum:

• 1. Fyrirlestrar og námskeið, þar sem þátttakendur eru fræddir um næringu, klæðnað, búnað, öryggi og umhverfislega ábyrgð.
• 2. Fimmtán göngur, sem ætlað er að efla kunnáttu, öryggi, líkamlegt form og reynslu áður en haldið er á Hvannadalshnúk.

Þjálfunin hefst í febrúar og lýkur með Hnúksferð, en þátttakendur geta valið um tvær dagsetningar tindastigs. Í fyrra náðu um120 manns að standa á hæsta tindi Íslands eftir að hafa tekið þátt í æfingadagskrá Toppaðu með 66°NORÐUR og Íslenskum Fjallaleiðsögumönnum.

Þátttökugjaldið er einungis 44.900 kr.  

Innifalið í þátttökugjaldinu eru fyrirlestrar, leiðsögn og jöklabúnaður í þær ferðir sem hann er nauðsynlegur (ísaxir, belti og broddar).

Íslenskir Fjallaleiðsögumenn og 66°NORÐUR eru traustir samstarfsaðilar með umhverfisvitund að leiðarljósi. Íslenskir Fjallaleiðsögumenn hafa áralanga reynslu í fjallaleiðsögn og 66°NORÐUR er leiðandi við þróun útivistarfatnaðar sem gerir göngufólki kleift að njóta útivistar við erfiðar aðstæður.

Dagskrá 2012:

Skráning hér

Hvar og hvenær hefjast ferðirnar:
Kvöldgöngur hefjast allar fyrir utan verslun 66°NORÐUR í Faxafeni 12 kl. 17:30. Þar sem sameinast verður í bíla og ekið á áfangastað.
Dagsferðirnar hefjast einnig fyrir utan verslun 66°NORÐUR í Faxafeni.

Annað – öryggi og tryggingar:
1. IFLM áskilur sér rétt til þess að breyta út af fyrirhugaðri dagskrá ef öryggi þátttakenda þykir ógnað.
2. Allar fjallgöngur fela í sér áhættu.
3. Öryggi viðskiptavina í ferðum Fjallaleiðsögumanna er ávallt í fyrsta sæti og þess vegna leggja Fjallaleiðsögumenn mikla áherslu á hættumat og fyrirbyggjandi ráðstafanir í menntun leiðsögumanna sinna.
4. Þátttakendur eru á eigin ábyrgð í ferðum Fjallaleiðsögumanna.
5. Þátttakendum er bent á að leita sér upplýsinga um tryggingar hjá tryggingafélögum.
6. Hlutverk leiðsögufólks Fjallaleiðsögumanna er ekki að koma fólki á toppinn – heldur að allir komi heilir heim.

Nánari upplýsingar eru veittar í síma 535 6600 og einnig er hægt að senda fyrirspurn á  felix@66north.is

*Hægt er að fá endurgreiðslu úr varasjóði VR fyrir Toppaðu með 66°NORÐUR og Íslenskum Fjallaleiðsögumönnum líkt og fyrir aðra líkamsrækt.