Það eru ekki eingöngu íslendingar sem gera sér grein fyrir ágæti 66°Norður og hefur hróður fyrirtækisins borist víða. Nýverið bættust hjónin Ron og Kelly Meyer í hóp ánægðra viðskiptavina 66°Norður en Ron er forstjóri Universal Pictures. Hjónin keyptu jólagjafir handa fjölskyldu sinni og vinum á netverslun okkar en fyrir valinu urðu Glymur þriggja laga öndunarjakkar, Esja Parka úlpa og Þórsmörk Parka dúnúlpa.

Talsmaður hjónanna segir að þau séu mjög ánægð með flíkurnar og vonandi verða þeir sem þær fá það einnig. Meyer hjónin eru ekki þau einu sem hafa keypt 66°Norður fatnað í jólagjafir en í fyrra keypti Yoko Ono eitthundrað Þórsmörk Parka dúnúlpur í jólagjafir.

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.