Í nýjasta tölublaði US Weekly sem kom út í gær er heilsíðu mynd af Jake Gyllenhaal þar sem hann klæðist svörum Glym öndunarjakka frá 66°Norður. Jake er ekki eina stjarnan sem líkar vel við fatnað 66°Norður en eins og alþjóð veit þá eru til að mynda Quinten Tarantino og Eli Roth miklir aðdáendur 66°Norður auk þess sem Scarlet Johanssen og fleiri hafa sést klæðast fatnaði frá fyrirtækinu við ýmis tækifæri.

Þessi mynd kom forsvarsmönnum 66°Norður skemmtilega á óvart og sannar enn og aftur að hróður fyrirtækisins hefur borist víða.

Nánari upplýsingar veitir:
Helga Viðarsdóttir - Markaðssetjóri 66°Norður
Tölcupóstur: helga@66north.is
Sími: 535-6600

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.