Þriggja ára samstarfssamningur milli Íþróttasambands fatlaðra og 66°Norður undirritaður.

Þriðjudaginn 26. ágúst skrifaði 66°Norður undir þriggja ára stuðnings- og samstarfssamning við Íþróttasamband fatlaðra. Samningurinn felur meðal annars í sér að 66°Norður styrkir íþróttasambandið með fatnaði.

Við undirskriftina var viðstaddur íslenski hópurinn sem er á leiðinni á Ólympíuleika fatlaðra í Peking . Íslensku keppendurnir fengu við undirskriftina Gretti boli frá 66°Norður en þeim munu þau klæðast á meðan á leikunum stendur. Grettir bolirnir eru hluti af nýrri íþróttalínu frá 66°Norður sem m.a. er unnin er úr kókoshnetuskel.

66°Norður er stolt af því að geta stutt við bakið á Íþróttasambandi fatlaðra og þeim íþróttamönnum sem starfa undir formerkjum félagsins. Auk þess óska allir starfsmenn 66°Norður íslensku keppendunum góðrar ferðar og velgengi á Ólympíuleikunum.

Nánari upplýsingar veita:
Helga Viðarsdóttir, Markaðsstjóri 66°Norður
Tölvupóstur: helga@66north.is
Símanúmer: 535-6600     

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar. Fyrirtækið á einnig og rekur saumastofur í Lettlandi þar sem stærstur hluti af fatnaði fyrirtækisins er framleiddur.

Heimasíða fyrirtækisins er www.66north.is.