Netkosning 23.október – 5. nóvmeber og úrslit kynnt í viku 46

Nú er myndbandakeppni grunnskólanna lokið en alls bárust hátt í 100 myndbönd í keppnina alls staðar að. netkosning mun fara fram á heimasíðu 66°NORÐUR (www.66north.is) dagana 23. október – 5. nóvember þar sem hver einstaklingur getur valið eitt myndband og gefið því atkvæði sitt. (Einungis er hægt að kjósa einu sinni úr hverri tölvu).

Niðurstaða netkosningarinnar mun vega inn í mat dómnefndar en hana skipa þau Þorgerður Katrín Gunnarsdóttir, menntamálaráðherra, Baltasar Kormákur Samper, leikstjóri, Þórir Sigurjónsson kvikmyndagerðarmaður og Helga Viðarsdóttir markaðstjóri 66°NORÐUR.

Keppt er í tveimur aldursflokkum 1. - 7. bekkur og 8. - 10. bekkur og eru verðlaunin ekki af verri endanum en skóli vinningshafans mun fá SONY HDR-HC5 myndbandsupptökuvél frá Sony Center að andvirði 110.000 kr. sem nemendur skólans hafa aðgang að auk þes sem vinningshafarnir munu fá fatnað frá 66°Norður að andvirði 150.000 kr. í verðlaun.

Nánari upplýsingar veitir:
Hjördís María Ólafsdóttir, markaðsdeild 66°Norður
Tölvupóstur: hjordis@66north.is
Símanúmer: 535-6600     

Einnig eru upplýsingar um keppnina á heimasíðu 66°Norður: http://www.66north.is/myndbandakeppni-grunnskolanna

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.