Tæplega 300 manns mættu á kynningarfund vegna Toppaðu með 66°Norður dagskrárinnar sem 66°Norður og Íslenskir Fjallaleiðsögumenn standa að og miðar að því að koma sem flestum á toppinn á Hvannadalshnúk.

Fundurinn var haldinn í verslun 66°Norður í Faxafeni. Mikill áhugi er fyrir ferðinni og æfingaprógraminu en er þetta í annað sinn sem fyrirtækin standa saman að þessu verkefni. Í fyrra gengu um 170 manns á Hvannadalshnúk sem hluti af dagkránni en í heildina tóku um 300 manns þátt.

Þeim sem ekki mættu á fundinn en hafa áhuga á að taka þátt í Toppaðu með 66°Norður er bent á að skráning er á heimasíðu Íslenskra fjallaleiðsögumanna www.fjallaleidsogumenn.is en nánari upplýsingar um dagskránna má bæði finna þar og á heimasíðu 66°Norður, www.66north.is 

Fleiri myndir frá kynningarkvöldinu er hægt að sjá hér: http://www.pix.is/66/

Um 66°Norður
Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.

Um Íslenska Fjallaleiðsögumenn
Fyrirtækið Íslenskir Fjallaleiðsögumenn var stofnað árið 1994 og hefur markmiðið frá upphafi verið að fara ótroðnar slóðir með innlenda sem erlenda ferðamenn, opna augu fólks fyrir fjallaferðum, stuðla að verndun viðkvæmrar náttúru norðurslóða og að auka gæði og fagmennsku í leiðsögn.

Trúir þessum markmiðum, hafa Íslenskir Fjallaleiðsögumenn staðið í farabroddi íslenskra ferðaþjónustufyrirtækja í þróun nýrra ferða, umhverfismálum, menntun starfsmanna og öryggismálum. Sem þjónustufyrirtæki leggja Íslenskir Fjallaleiðsögumenn áherslu á breidd í ferðum, allt frá auðveldum dagsferðum til erfiðra heimskautaleiðangra, með mottóið ævintýri fyrir alla að leiðarljósi.

Heimasíða fyrirtækisins er www.fjallaleidsogumenn.is