Shmuley Boteach er bandarískur rabbíni sem hefur gert garðinn frægan vestanhafs meðal annars sem stjórnandi vinsælla sjónvarpsþátta og rithöfundur. Margir heimsþekktir einstaklingar eru og hafa verið vinir Shmuley og má þar helst nefna Michael Jackson og Oprah.

Um þessar mundir er Shmuley á Íslandi við upptökur á nýjustu þáttaröð sinni og var hann hér á landi þegar fréttir af andláti Michael Jackson bárust en hann var meðlimur í söfnuði Shmuley. Vegna andlátsins hefur Shmuley verið mikið í viðtölum við helstu fréttamiðla heims. Um helgina var hann til að mynda í viðtali við CNN þar sem hann klæddist Vík peysu frá 66°Norður svo það er greinilegt að hann kann bæði að meta íslenska náttúru og íslenska hönnun.

Shmuley er nýjasti meðlimurinn í sífellt stækkandi hópi frægra einstaklinga sem velja 66°Norður og kunna að meta stílhreinar línur hönnunarinnar og þau gæði sem fyrirtækið stendur fyrir. Aðrir sem nýverið hafa sést klæðast vörum frá 66°Norður eru Quentin Tarantino, Jake Gyllenhaal, Mel Gibson og Mary krónprinsessa Dana svo einhverjir séu nefndir.

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.