Kynningin á Glerárdalshringnum fer fram fimmtudagskvöldið 11. júní. kl. 20:00 hjá 66°Norður á Glerártorgi.

Tímasetningin er valin miðað við bestu aðstæður á svæðinu. Glerárdalur er stór dalur girtur háum fjöllum, þeim hæstu á Tröllaskaga, þar af eru 10 þeirra hærri en 1400 m., Kerling hæst um 1540 m. Glerárdalshringurinn liggur eftir þessum háu fjallatoppum allan hringin umhverfis dalinn.

Komdu í 66°Norður fimmtudagskvöldið 11. júní. 24x24 verða með kynningu  á leiðinni sem er gengin í Glerárdalshringnum, búnaði, næringu og undirbúningi. Þetta er frábært tækifæri til að kynnast leiðinni betur og auðvelda undirbúning fyrir ferðina. Spurningum verður svarað eftir kynninguna.

ATH: Gengið inn á Glerártorg um aðalinngang að austanverðu.

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.