Nýi Langjökull PrimaLoft jakkinn er komin í verslanir 66°Norður

Nýlega komu í verslanir 66°Norður nýir jakkar fyrir fullorðna sem bera nafnið Langjökull. Hér er á ferðinni léttur jakki fyrir dömur og herra sem er fylltur með PrimaLoft® einangrun. Síðastliðið haust var 66°Norður fyrst íslenskra útivistarfyrirtækja til að nota PrimaLoft® einangrun en þá komu á markaðinn jakkar sem bera nafnið Vatnajökull. Viðtökurnar við Vatnajökli voru framar öllum vonum og því verður gaman að fylgjast með því hvernig viðtökur Langjökull fær.

Langjökull jakkarnir eru með þægilegu sniði sem hentar vel til daglegra nota hvort heldur sem er í skólann eða á skrifstofuna. Jakkarnir eru léttir og liprir í hreyfingum en PrimaLoft® veitir góða einangrun gegn kulda um leið og það er einstaklega mjúkt og andar vel. Þar að auki er PrimaLoft® fyllingin vatnsfráhrindandi sem gerir það að verkum að líkaminn helst þurr og hlýr þrátt fyrir blautt íslenskt haust.

Um 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar og fengið margvísleg verðlaun fyrir hönnun sína og markaðsstarf síðastliðin ár.

Í dag starfa rúmlega 300 manns hjá fyrirtækinu og rekur það 10 verslanir hér á landi undir vörumerkjum 66°Norður og Rammagerðarinnar.

Heimasíða fyrirtækisins er www.66north.is.