Go to content
Valmynd
Innskráning Karfa_ 0
66°Norður

Upplýsingar um starfsemina

Arfleifð

66°Norður er eitt elsta framleiðslufyrirtæki landsins og byggir á arfleifð Sjóklæðagerðar Íslands sem var stofnuð árið 1926 með það fyrir augum að framleiða skjólgóðan fatnað fyrir íslenska sjómenn sem buðu Norður-Atlantshafinu byrginn. Fatnaðurinn frá 66°Norður er framleiddur í okkar eigin verksmiðjum, undir ströngu eftirliti og með umhverfisvænum aðferðum.

Efnisval

Við störfum náið með framleiðendum þeirra efna sem við veljum fyrir fatnaðinn okkar og leitum ávallt uppi vönduðustu og öruggustu efnin sem völ er á. Þjálfaðir fjallamenn, björgunarsveitir og aðrir sem vinna verk sín utandyra prófa fatnaðinn okkar áður en framleiðsla hefst. Þannig vitum við að fatnaðurinn frá 66°NORÐUR mun reynast þér þægilegur og öruggur í köldu og blautu veðri í borginni og dýrmætur þegar þú vilt reyna þig úti í náttúrunni.

 

Sérsniðin hönnun

Veðrið á Íslandi er þekkt fyrir að koma sífellt á óvart. Ýmsar samsetningar af regni, vind, snjó og sól á einum og sama deginum eru ekki óvenjulegar. Við höfum tekist á við íslenskt veðurfar í nærri níu áratugi og vitum því eitt og annað um það hvernig er best að búa sig undir það. Við höfum alltaf trúað því að veður ætti ekki að koma í veg fyrir hreyfanleika. Fatnaðurinn okkar er hannaður til vera þægilegur í daglegu lífi um leið og við erum búin undir það óvænta.

Hraður vöxtur

Undanfarna tvo áratugi hefur 66°NORÐUR vaxið ansi hratt.  Landsmenn hafa tekið vel á móti betri og breyttri vörulínu og það sama hefur gerst erlendis.  Í dag starfa um 450 manns hjá fyrirtækinu á Íslandi, í Danmörku og í Lettlandi.  Fyrirtækið rekur 10 verslanir á Íslandi, 2 verslanir í Kaupmannahöfn og verksmiðjur í Lettlandi. Höfuðstöðvar fyrirtækisins eru á Íslandi í Miðhrauni 11, 210 Garðabæ - Þú ert alltaf velkomin í heimsókn.

Sjóklæðagerðin ehf.
kt. 550667-0299
Miðhraun 11
210 Garðabær.
s: 535-6600
66north@66north.is

 

You are connected to our Icelandic website

Íslenska | ISK
map To change region select from the selection here to the left
Greiða